شباب لبنان: نتوق الى السلام ونتطلع الى مستقبل من دون حروب

كلمة شبيبة لبنان في لقائهم مع البابا بندكتوس السادس عشر يوم السبت ١٥ أيلول ٢٠١٢ في بكركي.

"شكرا لكم قداسة البابا، شكرا على زيارتكم للبنان وعلى السينودس الخاص من اجل الشرق.

نحن اليوم اكثر من اي وقت مضى بامس الحاجة لحضور الكنيسة الفاعل في هذا الشرق الذي يئن تحت نير الكره والخوف واليأس والالم.

ان حضوركم يا قداسة البابا الى لبنان، رغم الظروف الراهنة، يتحدى منطق الحرب واليأس فيأتينا بالسلام والرجاء.

شكرا لانكم ترسلوننا الى العمق من خلال تعليمكم وكلماتكم التي لطالما ننتظرها.

اليكم يا قداسة البابا، هذا العرض لما نحن الشباب عليه اليوم في لبنان والشرق.

نحن، شباب الشرق اليوم، نتخبط في بحر من المصاعب والهواجس والمخاوف فكثير من ابناء جيلنا في ضياع يعيشون الاحباط ويواجهون الفساد.

الصعوبات التي نواجهها كبيرة، من الاوضاع الامنية والسياسية والاقتصادية السيئة المتأزمة الى مشكلة البطالة، نحاول التفاعل مع هذا الواقع فنعبر عن ارائنا ونلتزم الشأن العام لنعيش رسالتنا في قلب العالم ونسير به نحو عالم ارقى، لكننا نجد انفسنا عاجزين عن التغيير والنهوض بالاوطان، فيهاجر منا الكثيرون بحثا عن مستقبل افضل.

نحن، شباب الشرق اليوم، نريد ان نثبت في الشرق ونتجذر بارضنا، رمز انتمائنا وهويتنا، ليس تعصبا بل حفاظا على كيان المنطقة وفرادتها، فلا تصبح اوطاننا مجزأة ومفرزة حسب الطوائف والمذاهب.

نحن، شباب الشرق اليوم، نتوق الى السلام، ونتطلع الى مستقبل من دون حروب، مستقبل يكون فيه لنا دور فاعل فنعمل مع اخوتنا الشباب من مختلف الاديان على بناء حضارة المحبة وتشييد اوطان تحترم فيها حقوق الانسان وحريته وتصان كرامته.

نريد ثقافة السلام ونبذ العنف لنكون جسورا حية، وسطاء للحوار والتعاون. كثيرون منا يعيشون خبرات كثيرة (من صداقة وشراكة وجيرة) مع شباب وشابات من ديانات مختلفة. هي خبرات فريدة، وهي ما يميزنا في الشرق على صعيد العيش المشترك. نحن لا نخاف الآخر المختلف، لكننا نحذر من الفكر الأصولي (في جميع الديانات) الذي يستميل بعض الشباب ويعوق مسيرة حوار الأديان وما تزهره من لقاءات بين الشباب واحتفالات مشتركة ونشاطات ثقافية واجتماعية مختلفة.

نحن شباب الكنيسة اليوم، نريد أن "نشهد بما رأينا" (١يو١:٣) ولكننا نحتاج للكنيسة، الأم والمعلمة لمرافقتنا وإرشادنا في مختلف مراحل حياتنا، فنسير معا كما فعل يسوع مع تلميذي عماوس.

نحلم بكنيسة تستقبل شبابها فتستمع اليهم والى تحدياتهم وتكون حاضرة بشكل فعال وعملي الى جانبنا، فتأخذنا الى العمق وتوفق بين مفهوم الخطاب والوعظ ومفهوم العمل والشهادة.

نحن نؤمن بكنيسة واحدة ونريد أن نعمل على التقارب المستمر بين الكنائس المشرقية لنكون واحدا كما أرادنا الرب، ولعل أبرز مظاهر الوحدة الاحتفال معا بقيامة الرب يسوع، فنهتف معا، المسيح قام.

نحن شباب الكنيسة اليوم، نطمح يا قداسة البابا ان نكون فعلة حقيقيين في حقل الرب، وشركاء فاعلين في رسالة الكنيسة. نتوق الى "أنجلة جديدة" والتعمق في الكتاب المقدس وعيش كلمة الله في حياتنا اليومية في العالم، فنشارك في رسالة الكنيسة.

نحن شباب الكنيسة اليوم، نريد أن نكون علامة رجاء لكل المشرقيين، فنشهد لمحبة الرب الأقوى من الموت.

إيماننا يا قداسة البابا بكنيستنا قوي وثقتنا كبيرة رغم كل التحديات والنزاعات.

أخيرا نود أن نرفع اليكم، قداسة البابا، تقديرنا وحبنا، وننتظر بشوق سماع تعليمكم وإرشادكم لنا، طالبين من الرب يسوع في هذه المناسبة، أن يمنحنا النعمة لنكون شهودا لقيامة ابنه بفرح الروح القدس".

حكينا ... و شو حكينا

حكينا ...

و شو حكينا، لتعبنا من الحكي

حتى عيوننا تعبت من التكتكي

و مشينا،

لا قلتي شو باك و لا قلت شو بكي

و ما سألت، ليش كنتي هيك ملبكي

و فهمت،

اني بعيد، و انتِ من السفر بتشتكي

و النحل ع الورد حايمي و متمسكي

و افترقنا،

كل واحد مشي بطريق مشربكي

و صعبة تحل مليون عقدة حابكي

----------

جميل الحداد

أنا !! من أنا ؟

انا من يزرع و غيري يحصد
انا من يبني و غيري يسكن
انا من يأكل و غيري يشبع
انا من يلبس و غيري يدفأ
أنا من يكتب و غيري ينسخ
أنا من يدرس و غيري ينجح
أنا من يتعب و غيري يصل

انا !! من انا؟
و غيري يسكنني أنا ...

جميل

انا و شنطتي ...

كل مرة بجي و بسافر و ما بيكون في حدا يستقبلني أو يودعني ...
قدامي إم عم تبوس ابنا و عم تبكي،
ع اليمين طفلة مكعبشة ببيا و منا عم تتركو و هوي عم يوصي ابنو الكبير،
و هونيك صبية غامرا خطيبها و ما عم تعطي دور لغيرا،
الكل عم يودع الكل، كل واحد في الو حدا، الا انا ...
واقف اتأمل الوجوه ، انا و شنطتي لوحدنا، بحاكيا ما بترد، ببوسها بتستحي، بشد عليها من خوفي ضلني وحيد،

شنطتي رفيقتي من زمان، عشرة عمر انا و ياها، ياما برمنا بلدان و مدن، لا تخلت عني نهار و لا انا تخليت، شو تحملتني و شو عليها انا قسيت، لكن بتخبي كلشي بقلبها و ما بتشكي، خزنة ذكريات و اسرار،
بيقولو انو الكتاب هوي صديق الانسان الوفي، بس انا ما لقيت أوفا من شنطتي...

جميل

فنجان قهوة و زيارة

من وقت لوقت بحب هيك طلطل ع رفقاتي، سلم عليهن، نشرب سوا فنجان قهوة و نداون شوي، حتى نضل ع اتصال و ما تنقطع اخبارنا عن بعض.

بس ما عطول بتوفق بزياراتي و ايام بترجع سلتي فاضية وايام انا ما برجع، و متل ما صابيع ايديك منهن متل بعضن  كمان الناس منها متل بعضا.

في ناس منهن دايما" الركوة عندن جاهزة ع النار، و ما بيخلوني فل قبل ما نتغدا و نشرب ركوة تانية و نبصر بالفنجان كمان.

هول الناس بالعادة الحديث معن ب ريح النفس اكتر من غيرن،  بحس حالي آخد راحتي و ما في رسميات و واجبات بيناتنا، بيفهموني ع الطاير، منحكي كتير و منشق ع بعضنا كتير، و عطول بيزوروني هني و بيسألوا عني، و اذا شي مرة طولت أو كنت مشغول، ما بلاقيهن الا عندي و بيضلوا ناطرين لخلص شغلي، ليطمنوا عليي، هول الناس ما في منهن ابدا".

و في ناس بس زورهن، الركوة بتطول لتركب ع النار او يمكن ما تركب.

بالعادة الحديث معهن بيكون عادي، يتخلله بعض المزح و النكات. هول الناس كل يوم بمزاج، مرة معك و مرة ضدك، مرة بيحكوا معك و مرة بيحكوا عليك، متل العشب الطري، بياخدو الريح متل ما بدو، هني هيك، بيصدقوا كل كلمة بيسمعوها، و بيقتنعوا بكل رأي بيسمعوا، و بيمشوا متل ما غيرهن بيمشيهن، ما بتشوف وجهن الا بعد ما انت تزورهن، وحدة بوحدة، بيجمعوا كومة اخبار و بيجوا يحكوا، و انا بسمع من هون و بنسى من هون، بفوت بدينتي اليمين و بطلع من دينتي الشمال، و ما بخلي ولا حرف يعلق جوا. و أنا بعد الخبرة، صرت شق عليهن ع الخفيف، لا بوجع راسي بحكي الغرب و لا بوجع قلبي باخبار القرب، خليني محتفظ بهل الصورة الحلوة عنهن و ما بدي اكتر من هيك.

و في ناس ما عندن قهوة بالمرة !!

كل ما بجي لعندن بحس حالي غريب و جايي بزيارة تعارف. و الحديث معهن بيكون كتير رسمي، كلمة و رد غطاها، و ايام كتير بيكون الحديث ع الباب، سلام و وداع . مع انو كنا بالماضي نحكي مع بعض اكتر من هيك، بس مدري ليش هيك تغيروا، و هلأ بطلت شوف وجهن الا بالمناسبات و بالعيد و من بعيد لبعيد، او وقت انا زورهن بين العيدين.

و في ناس بتطبق عليهن غنية فيروز :

" دقيت دقيت و ايديي تجرحوا،

قنديلكن سهران ليش ما بتفتحوا "

هول الناس بحب من وقت للتاني اجي و طل عليهن، بركي صايرلهن شي ... بحس انو هيدا واجبي اسأل عنهن حتى لو ما فتحوا الباب، بخاف عليهن، ﻷن بعرف انو، لا سمح الله، بكرا اذا صار شي ما الهن غيري انا يوقف حدهن  ...

و في ناس ما فيني احكي عنهن لأن شهادتي فيهن مجروحا، عطول مخيم عندن أو هني مخيمين عندي،

هول الناس بحسهن متل خيي التوأم أو حتى متلي أنا... ما بينعدوا ع صابيع الإيد الوحدة ، ﻷنهن أقل، هول من الاشيا النادرة بهل كون، الله ما خلق غيرهن، special edition، اللي بصيرلي بصيرلهن،

هني اللي بيعرفوا كل تفاصيل حياتي بلا ما خبرهن،

هني اللي بيعرفوا احتياجاتي بلا ما اسألهن،

هني اللي بيتحملوا مشاكلي و ثوراتي،

هني الوحيدين اللي بيعرفوا ينصحوني،

و يللي نصيحتن بتصيب بالقلب و بتضرب ع الدماغ و بتخليك حاسس حالك مسلطن، متل كأنك اكتشفت شي كنز مدفون، و هول الناس اللي فيني اتكل عليهن بكتير اشيا، و هني اللي بيمونوا عليي و ع الرقبة و ع الدمات، و مطرحهن بالقلب محفور، و ما حدا بعبي مطرحهن، و في الهن حصة بكلشي.

و هول اللي بيسموهن الفلاسفة "اخوة الروح" بس انا بسميهن "انا المش انا".

و متل ما كل قفل الو مفتاح واحد و وحيد، هيك الناس و الرفقة، انت هوي القفل، و حولك ملايين المفاتيح، بس ما في الا مفتاح واحد بيظبط عليك، يمكن يكون في كذا نسخة، بس بالنهاية هني مفتاح واحد.

----------
جميل الحداد